ကာမေသုမိစ္ဆာစာရ

**Admin** Sun Dec 20, 2009 11:27 am

ကာမေသုမိစ္ဆာစာရ
၁။ မာတုရက္ခိတ-မိခင်စောင့်ရှောက်အပ်သောမိန်းမ
၂။ ပိတုရက္ခိတ-ဖခင်စောင့်ရှောက်အပ်သောမိန်းမ
၃။ မာတာပိတုရက္ခိတ-မိဘနှစ်ပါးလုံးစောင့်ရှောက်အပ်သောမိန်းမ
၎။ ဘဂိနိရက္ခိတ-အမညီမတို့စောင့်ရှောက်အပ်သောမိန်းမ
၅။ ဘာတုရက္ခိတ-အစ်ကို/မောင်တို့စောင့်ရှောက်အပ်သောမိန်းမ
၆။ ဥာတိရက္ခိတ-ဆွေမျိုးတို့စောင့်ရှောက်အပ်သောမိန်းမ
၇။ ဂေါတ္တရက္ခိတ-အနွယ်တူလူတို့ကစောင့်ရှောက်အပ်သောမိန်းမ
၈။ ဓမ္မရက္ခိတ-အတူတကွတရားကျင့်ဖော်ဖြစ်သူတို့စောင့်ရှောက်အပ်သောမိန်းမ
မှတ်ချက်။ ။ထိုရှစ်ယောက်သောမိန်းမတို့သည် ကာမပိုင်ယောက်ကျားမရှိသော အပျိုမိန်းမများတည်း၊ မိမိတို့ကာမအတွေ့ကို မိမိသဘောရှိပေးနိုင်ကြသည်။ မိဘစသည်တို့က စောင့်ရှေက်ပါသည်ဟုဆိုသော်လည်း သူတစ်ပါးတို့မစော်ကားနိုင်ရုံသာ စောင့်ရှောက်ခြင်းဖြစ်သည်။ ကာမကို မိဘတို့မပိုင်ကြ။ သို့ဖြစ်သောကြောင့် ထိုမိန်းမများသည် မိမိ၏သူတစ်ပါးအားပေးသည့်အတွက် ကာမေသုမိစ္ဆာစာရမဖြစ်။

၉။ သပရိဒဏ္ဍာ- အာဏာပိုင်တို့က မိမိကိုယ်တိုင်သိမ်းပိုက်မည်ဖြစ်သောကြောင့် သွားလာသူတို့အား ဒဏ်ထားသောမိန်းမ။
၁၀။ သာရက္ခာ-စေ့စပ်ကြောင်းလမ်းပြီးသောမိန်းမ။
၁၁။ ဓနက္ကီတာ-ဥစ္စာဖြင့်ဝယ်အပ်သောမယား။
၁၂။ှဆန္ဒ၀ါသိနီ-နှစ်ဦးသဘောတူနေထိုင်သောမယား။
၁၃။ ဘောဂ၀ါသိနီ-စည်းစိမ်ဥစ္စာအတွက် သွားရောက်နေထိုင်သောမိန်းမ။
၁၄။ ပဋ၀ါသိနီ- အ၀တ်တန်ဆာအတွက် သွားေ၇ာက်နေထိုင်သောမိန်းမ။
၁၅။ သြဒပတ္တကိနီ- ရေခွက်တွင်လက်စုံချကာ ထိမ်းမြားရသောမယား။
၁၆။ သြဘဋစုမ်ဗဋာ-ချအပ်သောခေါင်းခုရှိသောမယား။ (ဦးခေါင်းပေါ်တွင် ခေါင်းခုထားပြီးလျှင် ပဲပြုတ်စသည်ရောင်းကာ အသက်မွေးရသော ဆင်းရဲသူမကလေးကို တချို့ကမယားအဖြစ်အတည်ယူလိုက်သောအခါ ပဲပြုတ်စသည်ကို မရောင်းရတော့သည်ဖြစ်သောကြောင့် ခေါင်းပေါ်ကခေါင်းခု ကျသွားပြီးဟူလို)
၁၇။ ဓဇာဟဋာ-နိုင်ငံခြားသို့ စစ်တိုက်သွားရာ စစ်အောင်သဖြင့်အောင်လံကိုစိုက်ထောင်ကာ ယူဆောင်အပ်သော သုံ့ပန်းတို့တွင် မယားအဖြစ်သိမ်းပိုက်အပ်သောမယား။
၁၈။ ကမ္မကာရီဘရိယာ- အစေခံမယားမျိုး
၁၉။ ဒါသီဘရိယာ-ကျွန်မယား
၂၀။ မုဟုတ္တိကာ-အတည်မမြဲမဟုတ်ပဲ ရက်အနည်းငယ်မျှ နာရီပိုင်းမျှ မယားပြုအပ်သောမယားမျိုး။

ထိုပြအပ်သောမယားများသည် မိမိကိုပိုင်သော ယောင်္ကျားများနှင့်သာ ပျော်ပါးခွင့်ရှိ၏။ မိမိကာမကို အခြားယောင်္ကျားတို့အားပေးလျှင် ခိုးပြီးပေးရာရောက်သောကြောင့် ကာမေသုမိစ္ဆာစာရအပြစ်ရှိ၏။ ထို့ကြောင့် ပြည့်တန်ဆာမတို့သည် မိမိကို ငွေပေးထားသောယောင်္ကျားနှင့်ကိစ္စမပြီးသေးသမျှ အခြားယောက်ျားကိုလက်မခံရ၊ လက်ခံလျှင် မိစ္ဆာစာရသင့်၏။

အချုပ်ဆိုရသော် မာတုရက္ခိတစသော(၈)ယောက်သည် မိမိကာမကို သူများအားပေးသော်လည်း မိစ္ဆာစာရမဖြစ်၊ သာရက္ခာစသော(၁၂)ယောက်ကား မိမိယောက်ျားမှတစ်ပါး အခြားသောယောက်ျားကိုပေးလျှင် မိစ္ဆာစာရဖြစ်၏။ ယောက်ျားတို့မှာ ကိုယ်ပိုင်မယားမှတစ်ပါး မာတုရက္ခိတာစသော အပျို/အအို(၂၀)လုံးကို ကျူးလွန်ရာတွင် မိစ္ဆာစာရဖြစ်ကြသည်။

ပါရာဇိကဏ်အဋ္ဌကထာဒုတိယအုပ်၊ သဉ္စရိတ္တသိက္ခာပုဒ်အဖွင့်၊ ဆဋ္ဌမူစာမျက်နှာ(၁၄၁/၁၄၂)ကြည့်ပါ။

အမှောင်တွင်း သူ့မယားကို ကိုယ့်မယားထင်မှတ်ပြီး သွားလာသောယောက်ျား၊ ကိုယ့်ခင်ပွန်းထင်မှတ်ပြီး သည်းခံသောမိန်းမတို့ မိစ္ဆာစာရဖြစ်/မဖြစ်။
မိစ္ဆာစာရဖြစ်၏ဟုဆုံးဖြတ်ကြသည်။ သို့သော် ခိုးယူလိုသောစိတ်မပါဘဲ အထင်မှားကာ ဖြစ်ရသောကြောင့် အပြစ်ကြီးလှမည်မထင်၊ အချို့နေရာများတွင် ကံထိုက်သော်လည်းအပြစ်မကြီး၊ ကံမထိုက်သော်လည်း အဘိဓမ္မာသဘောအရ စေတနာယုတ်မာလှသဖြင့် အပြစ်ကြီးလေးသောအရာများစွာရှိ၏။

သမီးကိုကျူးလွန်သောဖခင် မိစ္ဆာစာရဖြစ်/မဖြစ်။
သမီးကို မိခင်ကတစ်ဖက်တစ်လမ်းစောင့်ရှောက်လျှက်ရှိသေးလျှင် ဖခင်မိစ္ဆာစာရဖြစ်၏။ မိခင်မရှိသော်လည်းကောင်း(သို့မဟုတ်)မစောင့်ရှောက်ပဲထားလျှင်သော်လည်းကောင်း မိစ္ဆာစာရမဖြစ်၊ သို့သော်စေတနာကား ယုတ်မာလှချေ၏။

ပြည့်တန်ဆာမတို့ထံ သွားလာသူမိစ္ဆာစာရဖြစ်/မဖြစ်။
ပြည့်တန်ဆာမတို့ကား မိဘစသည်တို့က မကျေနပ်စေကာမူ မိန်းမထိန်းက တစ်နည်းနည်းဖြင့်ပိုင်နေပေပြီ။ ထိုမိန်းမထိန်းတို့က ကျေနပ်ျလျှင် မုဟုတ္တိကာတွင်ပါဝင်သောကြောင့် မိစ္ဆာစာရအပြစ်မရှိ။
(သင်္ဂြိုဟ်ဘာသာဋီကာ-စာမျက်နှာ(၃၆၀မှ၃၆၅)အထိ)။